Kėngėt e Milosaos - Kangjelji XXIV - Jeronim De Rada

Vepra "Kėngėt e Milosaos - Kangjelji XXIV" nga Jeronim De Rada

Kangjelji XXIV

Kush tė thoj se mua mė ljeje,

e pafan motėra ime?

Sa tė garaksenej mbi dejt,

me ljerejė shtrathin,

sirkun tė tagjisjė.

Ciljones cė n'kuqenej,

llamparisejin sufitat.

Popo! Bėrė pendėzit

si njė fjutur e mundash,

vash, tė mos e shihje!

Bėn tė tjera mbi dhe

cė do zun duart entė,

e ti m'ij e pjugurosur.

Ata si, thronė e gjellės,

jan bot e u bė mugull

ajo buz, molla e ėmbėlj,

ndė njėzet e pes vjet.

Kuj me lje ndė kėt dhe,

hje e madhe e shpis ime?

Kush me delj ndė derjet

tė ziljisenjen vashazit,

llumbardhat t'ė ruanjėn

ka qeramidhjet?

Shtrati i pashtruamith,

s'ėsht kush t'ecinj pėr ndė shpi.

O, kur t'ikėnjėn kėto dit!

U te hinj ndė iljezit

tė m'e njog e, ka lega,

tė pėrdor te reshtemi,

mė tė mos ndahemi.

Kėnga XXIV

Kush kujtoi se do mė lije,

e pafat motėra ime?

Sa agonte pėrmbi det,

me liroje shtratin,

qė tė ushqeje sirkun.

Fustanės qė skuqte,

shėndrisnin tavanėt.

Bobo! Fletė si njė flutur

se c'mė vure e mėndafshin,

vash', do mos e shihje!

Tė tjera mbi dhe i kryen

c'pati zėnė dora jote

e ti mė je pluhurosur.

Fron i jetės, ata sy

jane tokė e myk u bė

ajo buzė, mollė e ėmbėl,

nė njezėt e pesė vjet.

Kuj mė le nė kėtė dhe,

hir i madh i shtėpis' sime?

Kush mė del nė derė

tė zilepsė vashat,

e llumbardhat ta vėshtrojnė

qė nga qeramidhet?

Shtrati mbeti i pashtruar,

njeri s'ecėn nėpėr shpi.

O! Gjer t'ikin kėto ditė

e tė hyj ndėr yjet,

tė tė shquaj e pėrdorėz,

larg prej shpirtrave tė tjerė,

mė ne tė mos ndahemi.