Nevojat e partnerit tuaj bazuar në zodiak.

Kur ju futeni në një marrëdhënie, ju shpresoni që ta bëni këtë me dikë që i mbush nevojat tuaja emocionalisht, fizikisht, dhe mendërisht.

Nga: Xhesjana Topalli

Publikimi: 01/05/2017 15:55

Është e vështirë të bëheni të vetëdijshëm nëse nuk i dini të gjitha nevojat e tyre. Ju nuk duhet të dini vetëm nevojat tuaja, por patjetër duhet të dini edhe nevojat e partnerit.

Shenja e zodiakut e partnerit tuaj mund të tregojë shumë për atë që ata duan nga ju, dhe kjo është mënyra më e mire që ju ti përmbushni nevojat e tyre.

Ju tregojmë sesi të kuptoni nevojat e partnerit bazuar në shenjën e horoskopit.

Dashi (21 Mars- 19 Prill)

Dashët kërkojnë ndershmëri dhe sinqeritet mbi të gjitha. Komunikimi është çelësi nëse keni një partner të kësaj shenje. Mos fshihni asgjë nga Dashët dhe kini vullnet të komunikoni kur marrëdhënia është në faza të vështira. Ata janë guximtarë, transparentë, dhe kanë nevojë për dikë që ti thotë gjërat siç janë.

Demi (20 Prill- 20 Maj)

Demët janë të fortë, tipa të qetë që do të thonë që gjithçka është perfekte në sipërfaqe. Ata nuk janë shumë të mirë kur bëhet fjalë për të shprehur ndjenjat e tyre, kështu që partneri i tyre duhet ti ndihmojë ata që të tregojnë sesi ndihen. Ata kanë nevojë të ndihen rehat në një marrëdhënie, dhe nuk mund të shtyhen kurrësesi për të bërë diëka që se duan.

Binjakët (21 Maj- 20 Qershor)

Binjakët kanë tendencën të humbasin rrjedhën e emocioneve dhe mendimeve të tyre, që do të thotë se kanë nevojë për dikë që ti ndihmojë ata të qëndrojnë me këmbë në tokë. Ata mund të duken të zjarrtë, por në të vërtetë, ata kanë një ton me interesa të ndryshme dhe e humbasin gjithmonë kur nisin të bëjnë diçka. Sigurohuni që ti bëni gjërat emocionuese nëse keni një partner Binjak.

Gaforrja (21 Qershor- 22 Korrik)

Gaforret japin gjithçka ne nje marredhenie. Kjo përfshin mendjen, trupin, shpirtin, zemrën, shtëpinë, rrobat madje edhe qenin vetëm që partneri i tyre të jetë i lumtur. Ju si partneri i tyre, duhet të siguroheni që nuk do të përpiqeni të ndryshoni natyrën e tyre të dhënë dhe bujare. Për shkak të natyrës së tyre, gaforret kanë pritshmëri të mëdha nga të tjerët, veçanërisht nga partneri.

Luani (23 Korrik- 22 Gusht)

Luanët kanë shumë vetëbesim dhe janë të shkujdesur, si dhe kanë nevojë për një partner që reflekton po të njëjtin tip ose natyre. Ata nuk shkojnë mirë në një marrëdhënie ku ndihen sikur po mbahen larg diçkaje të rëndësishme. Edhe pse ata duken arrogantë, ata thjesht kanë pritshmëri të mëdha për veten e tyre. Ata kërkojnë marrëdhënie serioze me qellime serioze.

Virgjëresha (23 Gusht- 22 Shtator)

Virgjëresha ka natyrë logjike dhe analitike kur bëhet fjalë për marrëdhëniet. Edhe pse ata kanë një anë të butë, ata rrallë herë i lejojnë njerezit rreth tyre ta shikojnë atë. Ata kanë nevojë për një partner që është emocionalisht i lirë, por gjithashtu dikë që nuk i lë emocionet e tij të drejtojnë kur bëhet fjalë për marrje vendimesh të rëndësishme.

Peshorja (23 Shtator- 22 Tetor)

Peshoret kanë natyrë të paqshme dhe të balancuar. Ata kanë nevojë të sigurohen që çdo marrëdhënie në të cilën janë do të jetë me natyrë mbështetëse përpara se ti konsiderojnë gjërat serioze. Barazia është ekstremisht e rëndësishme për njerëzit që bëjnë pjesë në këtë shenjë, dhe gjithçka bëhet dyshe në angazhimet romantike.

Akrepi (23 Tetor- 21 Nëntor)

Akrepët kanë disa probleme besimi kur bëhet fjalë për marrëdhëniet romantike. Nëse jeni partneri i një Akrepi, ju duhet të jeni i aftë të tregoni që jeni i besueshëm përpara se gjërat të bëhen serioze. Nëse nuk jeni, bëhuni gati të largoheni ose të jeni në distancë me personat nën shenjën e Akrepit. Kur Akrepët ndihen rehat ata do tju hapen.

Shigjetari (22 Nëntor- 21 Dhjetor)

Shigjetarët pëlqejnë aventurën, janeëmendjemprehtë dhe dhe shumë filozofikë. Për shkak të natyrës së tyre filozofike, ata ndihen të humbur herë pas here, prandaj ata kanë nevojë për një partner që është i aftë ti bëje ata të ndihen mirë dhe rehat gjatë këtyre periudhave. Emocionet e tyre mund të shpërthejnë lehtësisht, kështu që ata duan dikë që i ndihmon ata të qëndrojnë në kontroll.

Bricjapi (22 Dhjetor- 19 Janar)

Bricjapët shpesh shikohen si tradicionalë. Punojnë shumë dhe janë të vendosur për të arritur qeëlimet e tyre pavarësisht gjithçkaje. Ata kanë nevojë për një partner me një etikë të fortë pune që i kupton ata kur rrijnë vonë në zyrë dhe nuk shkojnë në darken e planifikuar. Gjithsesi, partneri i tyre gjithashtu duhet të jetë i aftë të tregojë përfitimet e ngadalësimit dhe shijimit të jetës së tashme.

Ujori (20 Janar- 18 Shkurt)

Njerëzit që janë nën këtë shenjë thuhet se kanë një numër të madh të cilësive të ndryshme të personalitetit dhe janë shumë të ndërlikuar. Ata janë plot aventura dhe gjithmonë gati për të shkuar në një udhëtim. Ata i shijojnë bisedat e thella, por e kanë shumë të vështirë ti tregojnë emocionet e tyre në tavolinë.

Peshqit (19 Shkurt- 20 Mars)

Peshqit janë romantikë të ndjeshëm. Ata shijojnë artet dhe e shprehin veten e tyre në mënyrë kreative, që do të thotë që ata kanë nevojë për një partner që gjithashtu i shijon këto gjera. Për shkak të natyrës së tyre të ndjeshme, ata kanë nevojë për intimitet emocional në marrëdhëniet e tyre, së bashku me dobësitë e tyre.

Pëlqeni dhe shpërndani Perspekti.com

Artikuj të ngjashëm