Kėngėt e Milosaos - Kangjelji X - Jeronim De Rada

Vepra Kėngėt e Milosaos - Kangjelji X nga Jeronim De Rada

Kangjelji X

Zgjou, trim, i agėzuam,

in zot ljereu var,

perėndonjėn iljezit,

shuhen zjarret, derdhet ujt,

jeta veshet ndėr tė rea.

Ashtu, zemėr ljipisjare,

ti tė priresh e garepsur.

Si nj'ani nkarkuar me trima,

Ce te mesi dejtit

pan katund e disheruar,

erdhe i hjeshim, pjot gare.

Kush e mori sishit?

Kush porsiti ren e maljit

mon me shi tė na kuljtonej?

Zonja e madhe u anankas

jasht katundit tė mė vej

ndė njė dasėm me kopiljet.

Kish ndėr sit dejtin,

kish mbė zemėr hjen e shpis,

kurna pa djalin e saj

tė pėrdorėm me njė kopilje.

Vajza ndjeti nd'eshtėrat

gazin tė pėrshuatur;

si njė marmur me llogaz

ruanej e pėrpara sivet

dherat i vejin e i vijin.

Djali u resht e u buar te llaka:

tė pėrljotėm drodhi sit

qiellit vetėm, tundu dhes,

perėnduar dielli,

pa dalj iljezit.

Ish si zemėr ce varesi

kėt jet tė pa njohur

e se sheh ku tė mė vej.

Vija, ljevrosu i gadhjar:

vajza ce ti deshe mir

e me ne ndė valljet.

Prana di zonja jot em,

ndomos se nėng e thot,

se katundit i pėsove

porsi vera triesės,

porsi dheut njeriu me fjalj.

Kėnga X

Zgjohu trim, gėzuarė!

Zotynė la varrine,

perėndojnė yjezit,

shuhen zjarret, derdhen ujėt,

bota vishet ndėr tė reja.

Po kėshtu, zemėr e dhemshur,

priresh edhe ti e gėzuar.

Si njė ani ngarkuar me trima,

qė te mesi i detit shohin

fshanė e dėshiruar,

erdhe gjith' hir e hare,

Po kush tė mori mė sysh?

Kush porsiti renė e malit

mon' me shi tė na kujtonte?

Zonja e madhe u nxitua

jashtė katundit tė vejė,

nė njė dasmė tok me cupat.

Kishte detin nė sy,

hien e shpisė nė zemėr,

kur na pa djalin e saj

dorėpėrdore me njė cupė.

Vajza ndjeu nd'eshtėrat

gazin t'i pėrshuhet;

si njė mermer qė mendon

shihte dhe pėrpara syvet

dherat i venin e i vinin.

Djali iku e humbi brinjės:

tė pėrlotur ktheu sytė

qiellit qė rrethonte dheun

vetėm, se dielli kish rėnė,

yjet edhe s'kishin dalė.

Ish si zemėr qė mėrzitet

nga kjo botė e panjohur

e nuk sheh se ku do vejė.

Ngreu, levendi djalė!

Vajza qė ti dashurove

ėsht' me ne nė vallet.

E di mir' zonja jot ėmė,

ndonėse nuk e thotė,

se ti dole nė katund

porsi vera nė tryezė

e mbi dhe njeriu me fjalė.