Kėngėt e Milosaos - Kangjelji XI - Jeronim De Rada

Vepra Kėngėt e Milosaos - Kangjelji XI nga Jeronim De Rada

Kangjelji XI

Duro, zemėr, e duro

sa duroi malji me bor.

Shkėpetin nėnt djellas,

sbardhulluan kumbullat:

trimi ka katund i larg

duall e ruati mbė menat

e garroi shpizėn.

- Ljumi u! mė thoj malji.

Si njė qeljqe cė m'i frin,

bjer tė feksurit tė voga,

porsa mbrenta llamparisen,

ėsht ajo vajz e mjelj.

Vetėm ka t'ėmėn e t'an.

Ata duan. Kuj tė m'i thet

eg atire mos i thet?

Ajo lje katund e thuhet

nusja e trimit guaj.

Vjen njė ditė e thjellėmez

cė t'uljet ashtu mbė der,

tė mė qepinj ljinjezėn.

Ajo ruan dejtin:

fjuturonjėn ndallanishet;

e vehet e mė kėnton

strofat cė m'i thoja vet

nd'at mot cė duheshim.

E garron zotin e saj

e me uljen kreithit,

kurmin tim fjantaksenith.

I ljerier muqavet

ashtu malj me ndonjė thellėz,

pra ce njerėz njė katund

stisin sipėr pjono hje

te llakat e gjeljebėra,

e malli trimavet;

e stolisur, tundu gra,

delj kopilja pėr martuar,

ljehen djalje sikeqi.

Kėnga XI

Duro zemėr, duro

sa duroi mali me borė.

Shkrepėtinė nėntė diej,

zbardhėlluan kumbullat:

trimi nga katundi i largėt

doli e i pa menatė

dhe harroi shtėpinė.

-Lumi unė!- thoshte mali.

Si ai qelqi, qė m'i fryn,

bjerr ndricimin nga hukatja,

porse brenda gjithė ndrit,

ashtu ėshtė vajz e mjerė.

Ka vetem tė ėmėn e t'anė.

Ata e duan. Kujt t'i thotė

"po", nė mos u thėntė atyre?

Ajo lė fshatin e quhet

nuse e trimit tė huaj.

Po na vjen njė ditė e kthjellėt,

qė t'ulet ashtu nė derė,

tė mė qepė linjėzėn.

Vėshtron detin:

fluturojnė dallėndyshet;

e vihet e mė kėndon

kėngėt qė i thosha vetė

nd'atė mot qė duheshim;

e harron zotin e saj,

me unj kryet e nė mend

sjell fytyrėn time.

Ja, si bregu i braktisur

gjembave e thellėzave,

ku vinė e ndėrtojnė njerzit

njė katund plot hijeshi

te luginat gjelberore,

ėshtė malli i trimave.

E stolisur, nė mes grave,

vajza del pėr t'u martuar,

edhe lindin djem sydritė.