Kėngėt e Milosaos - Kangjelji XIX - Jeronim De Rada

Vepra Kėngėt e Milosaos - Kangjelji XIX nga Jeronim De Rada

Kangjelji XIX

Ndė tė rar tė dimėrit,

vajta me timė vėllezėr

te garaca Marljulje,

shum i pritur. Delje mjeri

ngrogu qumėshtin e i rėmpiem,

sit me ljot: - Ga, i bardhi trim.

Kur vinej tatėmadhi,

vetėm qumėshtje tė ngrogėt

doj; pestajna, mbė tė ditur,

ushtėrit kishe harruar.

Pa hje, i piseruam,

rija si te dheu huaj.

Fjejtin tė mi vėllezėr.

Deljet rumpullareshin,

gjumin mė kėputėjin.

Tė parėn u m'u pataksa,

ka Mbuzati hėnėza

mbi dejt dhezėnej.

Pėr sė diti u m'u pataksa,

njerėzit e frushkuljit

tė qėlluar illi se ruan,

por i taksen deljevet

nata me psor mbėdha.

Pėr sė treti u m'u pataksa,

hėna rar, kullotenej

ndonjė ka ati, kėtu,

kocorehjet gjimes tė bardh.

Kur tė katėrėn e zėgjova,

deljet ona u kish gapur

ljumrave tė kaljtherve.

Mua mė zu malli katundit.

Dolla posht sheshevet

c'in tė njom, tė shprishuris

borjes tė paljosur

nėn hjen e stulpavet,

e vashėn kriekeshtenj

njoga te udh e katundit:

njoga stan pjono gajdhi

me tė kaljtheren podhe.

Ju pėrpoqa ndėr vrieljet.

Trimi: - Se ti vije somenat

njėr kėtej, s'unt e pantehja.

Vasha: - Nji s'erdha tė tjera her?

Se pam me k'tė dėrgojmi bukėn

tim vėllezėrė. Tha mėma:

"Mbijth edhe di parkaljidhe"

E sonte, fjejte mbė truall?

- Afėr zjarrit i pushtruam.

- Po po! Nji se munt vijė

prem mbė shpi. -Te shpia ime

vajza kriekeshtenj

nani mė se fanaroset.

- Sa ka dielli ce ron,

mos tek uljet mbrėmanet

nėng ri i vetėmith?

- Bushtėr, - kur tė prirjem

ndėr tė guaj, tė frihjesh,

si tė guaj ti tė mė dish!

- E pse? Vejim afėrith:

mbajti. Prana, tė pėrljotem

pruari sit tė vrika mbė' an.

Kėnga XIX

Me tė rar' tė dimėrit,

vajta bashkė me tim vėllezėr

te stani i Marlules,

i pritur ka mot. Bariu

ngrohu qumėsht e i rrėmbyer,

syt' me lot: - Ha, trim i bardhė!

Yt gjysh, kur vinte, nuk donte

Vec qumėsht tė ngrohtė;

pastaj gjer tė gdhihej,

ushtrinė e harronte.

Pa kreni dhe i trishtuar

rrija si nė vend tė huaj.

Fjetėn tim vėllezėr.

Delet qė zhurmonin,

gjumin ma kėputnin.

Kur u cova pėr sė pari,

nga Mbuzati hėnėza

sipėr detit llamburinte.

Kur u cova pėr sė dyti,

ylli s'ish duke vėshtruar

njerėzit e bishat qė flinin,

por u takste deleve

net me fate tė mėdha.

Kur u cova pėr sė treti,

hėna kishte perėnduar;

ndonjė ka, aty kėtu,

po kulloste kodrave

gjysmė tė zbardhuara.

Kur tė katėrtėn u zgjova,

delet tona ishin hapur

lumenjve tė kaltėr.

Mua mė zu malli i katundit.

Dola poshtė shesheve,

qė ishin lagur: kish dėborė

tė pa shkrirė, tė pėrhapur

nėn hien e shkurreve,

e vashen kryegėshtenjė

njoha te udhė e katundit,

njoha shtatinė plot hir,

spikun e kaltėr tė fustės;

e takova nėpėr zhugat.

Trimi: - Se ti vije somenatė

gjer kėtu, nuk e pandeha.

Vajza: - Pse, s'kam ardhur tjera herė?

S'patėm me kė t'u dėrgojmė

bukėn vėllezėrve."Shko mblidh

dhe dy skorje", mė tha mėma.

Sonte mos fjetė me truall?

- Afėr zjarrit i mbuluar.

- Bobo! S'mund tė vijė mbrėmė

nė shtėpi? -Te shpia ime

vajza kryegėshtenjė

tani mė s'po duket.

- Sa ka dielli qė rron,

mos, kur ulet mbrėmanet,

vetėm s'rri?

- Kur tė kthej nė dhe tė huaj,

ngopmu ti, moj zėmėrgurė,

si tė huaj tė mė dish!

- E pėrse? "Ne pran' e pranė

ecnim. Ajo u pėrmbajt

e pastaj sytė e pėrlotur

i ktheu nga plepat anėsh.