Përfitimet në shëndet të vitaminës D.

Marrja e mjaftueshme e vitaminës D në fëmijëri mund të rezultojë një investim i shkëlqyer për shëndetin tuaj në vitet në vazhdim.

Që të marrim sasinë e nevojshme të vitaminës D, duhet të konsumojmë përditë salmon, merluc ose sardele.

Nga: Xhesjana Topalli

Publikimi: 26/05/2017 09:58, Ndryshuar: 26/05/2017 17:08

Kjo vitaminë është tejet e rëndësishme për mirëqënien e kockave tona. Njerëzit mendojnë se një dietë e kompletuar mjafton por, në rastin e vitaminës D, pak ushqime janë ato që e përmbajnë. Për shembull, që të marrim sasinë e nevojshme të vitaminës D, duhet të konsumojmë përditë salmon, merluc ose sardele.

Që të rrisim disponibilitetin e kësaj vitamine në trupin tonë është e domosdoshme të ekspozohemi mjaftueshëm në diell dhe të marrim suplement për të utilizuar vitaminën e aktivizuar nga rrezet diellore.

Pa dyshim, dieta luan rol të rëndësishëm pasi marrja e ushqimeve me magnez si spinaqi apo fasulet, bëjnë të mundur funksionin optimal të vitaminës D.

Mungesa e vitaminës D

Mënyra më e mirë për ta zbuluar është të bëhet një test gjaku i cili do të vlerësojë nivelet e saj në gjakun tuaj.

Mungesa e vitaminës D sjell këto probleme shëndetësore:

1. Grip

Mungesa e vitaminës D predispozon fëmijët të sëmurën më shpesh nga viroza që prekin rrugët e frymemarrjes. Vitamina D ul shpeshtësinë e infektimeve të fëmijëve nga sëmundjet e aparatit të frymëmarrjes.

2. Dobësi muskulare

Ka shumë mundësi të ndjeni dobësi muskulare nëse nuk keni mjaftueshëm vitaminë D në gjakun tuaj. Për një lloj muskujsh, është e domosdoshme që receptorët e tyre të mbështeten nga vitamina D që ato të funksionojnë si duhet.

3. Psoriasis

Analogë të sintetizuar të vitaminës D janë konsideruar të dobishëm në trajtimin e psoriases.

4. Sëmundje kronike të veshkave

Pacientët që vuajnë nga kjo sëmundje kanë nevojë të marrin suplement të vitaminës D3 për të suportuar metabolizmin e kalciumit, për të ulur rrezikun e sëmundjeve të kockave dhe për të rregulluar nivelet e hormones paratiroide.

5. Diabet

Një studim i realizuar në Finlandë ka studiuar rezultatet e 10,366 fëmijëve të cilëve ju krye një injeksion me vitaminë D3 në ditën e parë të jetës. Ata u vëzhguan për 31 vitet që pasuan. Ata vunë re se këta fëmijë kishin 80% më pak mundesi të shfaqjes së diabetit të Tipit 1!

6. Astma

Vitamina D mund të ulë seriozitetin e krizave të astmës. Ky konkluzion u nxorr pas një studimi në Japoni ku fëmijë shkollash që merrnin suplement të vitaminës D prej 1200 IU/ditë, kishin kriza më të lehta të astmës në krahasim me fëmijët që nuk merrnin suplement.

7. Sëmundje periodontale

Kjo sëmundje që shkakton gjakosjen dhe enjtjen e mishrave të dhëmbëve mund të evitohet, por edhe luftohet me rritjen e nivelit të vitaminës D pasi kjo e fundit prodhon përbërës me veti antimikrobiale të cilët ulin numrin e bakterieve në gojë.

8. Skizofreni dhe Depresion

Edhe këto dy çrregullime janë lidhur me mungesë të vitaminës D. Është e nevojshme që gjatë shtatzanisë dhe periudhës së fëmijërisë të mbahen nivele optimale të saj për të kënaqur receptoret e vitaminës D në tru, e rëndësishme kjo për zhvillimin dhe funksionimin mendor në jetën adulte.

9. Kancer

Është zbuluar lidhje midis nivelit të lartë të vitaminës D në gjak dhe riskut të ulët të kancerit të gjirit! Prandaj, çadrat kursejini vetëm për ditet me shi!

Parandalimi është veprim!

Këto situata shëndetsore të lidhura me vitaminën D nuk duhet t'ju frikësojnë. Duhet thjesht të veproni:

Konsumoni më shpesh ushqime të pasura në vitaminë D si:

Sardele

Salmon

Merluc

Peshk Ton

Mëlçi viçi

Të verdhë veze

Djathë

Dhe burimi më i mirë i saj Dielli!

Pëlqeni dhe shpërndani Perspekti.com